Plantun de Prouvènço

Pèr coumpara dos planto d'encò nostre

Gentiana orbicularis & Hyoseris scabra

Genciano(-di-fueio-redouno)

Gentiana orbicularis

Gentianaceae

Àutri noum : Gensianeta, Gansaneta, Preiret.

Nom en français : Gentiane à feuilles orbiculaires.

Descripcioun :
La genciano-di-fueio-redouno vèn dins li pelouso roucaiouso umido e lis esboudèu fres d'auto mountagno. Es uno planto basso que trachis en mato e flouris après lou desneva. Li fueio coume li flour soun redouno, pamens èi subretout emé soun "calice" di proun ala (alo > 0,5 mm), que se destrìo de sa cousino la genciano-di-fueio-courto, Gentiana brachyphylla, que se vèi dins li mémi relarg.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 6 cm
Fueio : óupousado
Tipe bioulougico :
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Bluio
Petalo : 5
Ø (o loungour) flour : 1,5 à 2,5 cm
Flourido : Printèms - Estiéu

Sòu : Ca
Autour basso e auto : 1800 à 2800 m
Aparado : Noun
Jun à avoust

Liò : Pelouso roucaiouso umido - Esboudèu fres
Estànci : Aupen
Couroulougi : Ouroufito-Sud-Éuroupenco
Ref. sc. : Gentiana orbicularis Schur, 1852

Cicòri(-escabrous)

Hyoseris scabra

Asteraceae Compositae

Noms en français : Hyoséride scabre, Chicorée scabre.

Descripcioun :
Lou cicòri-escabrous es uno planto raro que trachis pas trop liuen de la mar dins li tepiero argielouso bagnado l'ivèr. Fai uno rouseto sènso tijo d'ounte parton de pecou de flour coupausado courtet. Li fueio soun descoupado d'un biais proun regulié ço qu'ajudo à recounèisse la planto. Aquelo èi marcado sus la listo roujo, categourìo VU (vulnerablo). Coumpara emé lou cicòri-radiant que ié sèmblo mai qu'es uno planto renadivo.

Usanço :
Aquéu cicòri dèu èstre manjadis pamens coume es uno planto raro, lou fau pas culi.

Port : Erbo
Taio : 1 à 12 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Hyoseris
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 7 à 12 mm
Flourido : Printèms Ivèr

Sòu : Ca
Autour basso e auto : 0 à 10 m
Aparado : Noun
Febrié à Abriéu

Liò : Tepiero bagnado l'ivèr - Argielo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Hyoseris scabra L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Gentiana orbicularis & Hyoseris scabra

ges

Coumpara Genciano(-di-fueio-redouno) emé uno autro planto

Coumpara Cicòri(-escabrous) emé uno autro planto